Select Page

ಕುಲಪತಿ

ಡಾ. ಕೆ. ಎನ್. ಕಟ್ಟಿಮನಿ 

ಕುಲಪತಿಗಳು

ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ರಾಯಚೂರು, ಕರ್ನಾಟಕ

Phone (O) : +91- 8532 – 221444,  Mobile : +91-9480696300
E-mail: vc@uasraichur.edu.in        Website: www.uasraichur.edu.in

                 ಡಾ. ಕೃಷ್ಣಪ್ಪ ನೇಮಪ್ಪ ಕಟ್ಟಿಮನಿ ಇವರು ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ರಾಯಚೂರಿನ ಮೂರನೇ ಕುಲಪತಿಗಳಾಗಿ ದಿನಾಂಕ 17ನೇ ಅಕ್ಟೋಬರ್, 2018 ರಂದು ಅಧಿಕಾರ ಸ್ವೀಕರಿಸಿದರು. ಈ ಹುದ್ದೆ ಅಲಂಕರಿಸುವ ಮುಂಚೆ ತೋಟಗಾರಿಕೆ ವಿಶ್ವವಿದ್ಯಾಲಯ, ಬಾಗಲಕೋಟೆಯಲ್ಲಿ ಡೀನ್ (ತೋಟಗಾರಿಕೆ), ಡೀನ್ (ವಿದ್ಯಾರ್ಥಿ ಕಲ್ಯಾಣ), ಆಡಳಿತಾಧಿಕಾರಿ ಮತ್ತು ಕುಲಸಚಿವರಾಗಿ ವಿವಿಧ ಅಧಿಕಾರಿ ಹುದ್ದೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ.

ಇವರು ಬಾಗಲಕೋಟ ಜಿಲ್ಲೆಯ ನೀಲಾನಗರ ಗ್ರಾಮದವರು. ಇವರು ಶ್ರೀ ನೇಮಪ್ಪ ಕಟ್ಟಮನಿ ಮತ್ತು ಶ್ರೀಮತಿ ರಾಮವ್ವ ನೇಮಪ್ಪ ಕಟ್ಟಿಮನಿ ಅವರ ಮಗನಾಗಿ 01.06.1960 ರಂದು ಜನಿಸಿದರು. ಇವರು ಆಚಾರ್ಯ ಎನ್. ಜಿ. ರಂಗ ಕೃಷಿ ವಿಶ್ವವಿದ್ಯಾಲಯ, ಹೈದರಬಾದ್‍ನಿಂದ ಚಿನ್ನದ ಪದಕದೊಂದಿಗೆ ಡಾಕ್ಟರೇಟ್ ಪದವಿ ಪಡೆದಿರುತ್ತಾರೆ. ಇವರು ಕರ್ನಾಟಕದ ವಿವಿಧ ಕೃಷಿ ಮತ್ತು ತೋಟಗಾರಿಕೆಯ ವಿಶ್ವವಿದ್ಯಾಲಯಗಳಲ್ಲಿ 35 ವರ್ಷಗಳ ಕಾಲ ಸೇವೆ ಸಲ್ಲಿಸಿರುತ್ತಾರೆ. ಇವರು ಔಷದಿ,ü ಸುಗಂಧದ್ರವ್ಯ ಮತ್ತು ತೋಟಪಟ್ಟಿಗಳ ವಿಭಾಗದ ವಿವಿಧ ಸಸ್ಯ ತಳಿಗಳನ್ನು ಅಭಿವೃದ್ಧಿಪಡಿಸಿರುತ್ತಾರೆ. ತಮ್ಮ ಉತ್ತಮ ಸಂಶೋಧನೆಗಳಿಂದ 128 ಸಂಶೋಧನಾ ಲೇಖನಗಳನ್ನು ರಾಷ್ಟೀಯ ಮತ್ತು ಅಂತರಾಷ್ಟೀಯ ಮಾನ್ಯತೆ ಪಡೆದ ಜರ್ನಲ್‍ಗಳಲ್ಲಿ ಪ್ರಕಟಿಸಿರುತ್ತಾರೆ. ಅಲ್ಲದೆ, 65 ಲೇಖನಗಳು ವಿವಿಧ ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಸಮ್ಮೇಳನಗಳಲ್ಲಿ ಪ್ರಸ್ತುತ ಪಡಿಸಿದ್ದಾರೆ. ಜೊತೆಗೆ ಏಳು ಪಠ್ಯ ಪುಸ್ತಕಗಳು, 60 ವಿಸ್ತಾರಣ ಲೇಖನಗಳು, 35 ಸಂಶೋಧನಾ  ವರದಿಗಳು ಮತ್ತು ಇತರೆ ಅಧ್ಯಾಯಗಳನ್ನು ರಚಿಸಿರಿರುವ ಹೆಗ್ಗಳಿಕೆಯಿರುತ್ತದೆ. ತೋವಿವಿ, ಬಾಗಲಕೋಟೆಯ ಕಿತ್ತೂರು ರಾಣಿ ಚೆನ್ನಮ್ಮ ತೋಟಗಾರಿಕ ಮಹಾವಿದ್ಯಾಲಯದಲ್ಲಿ ಔಷದಿ,ü ಸುಗಂಧದ್ರವ್ಯ ಮತ್ತು ತೋಟಪಟ್ಟಿ ಸಸ್ಯಗಳ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಕಾರ್ಯಕ್ರಮವನ್ನು ಪ್ರಪ್ರಥಮವಾಗಿ ಇವರು ಪ್ರಾರಂಭಿಸಿದರು. ಒಟ್ಟು ಮೂರು ಡಾಕ್ಟರಲ್, ಹನ್ನೇರಡು ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ ಪ್ರಧಾನ ಸಲಹೆಗಾರರಾಗಿ ಹಾಗೂ 60 ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಸಲಹಾ ಸಮಿತಿಯ ಸದಸ್ಯರಾಗಿ ಮಾರ್ಗದರ್ಶನ ನೀಡಿರುತ್ತಾರೆ.

ಕೃವಿವಿ, ಧಾರವಾಡದಲ್ಲಿ ತಾತ್ಕಾಲಿಕ (Adhoc) ಯೋಜನೆಗಳನ್ನು ಮಂಡಿಸಿ ವಿವಿಧ ಸಂಘ ಸಂಸ್ಥೆಗಳಿಂದ 168 ಲಕ್ಷಕ್ಕೂ ಹೆಚ್ಚಿನ ಹಣ ಹಾಗೂ ಇತರೆ ಸಂಶೋಧನಾ ಸಂಪನ್ಮೂಲಗಳನ್ನು ಕ್ರೋಢಿಕರಿಸಿದ್ದರಿಂದ, 2004ನೇ ಸಾಲಿನಲ್ಲಿ ಕೃವಿವಿ ಪ್ರೋತ್ಸಾಹ ಪ್ರಶಸ್ತಿಗೆ ಪಾತ್ರರಾಗಿರುತ್ತಾರೆ. ಗೌರವಾನ್ವಿತರು ದೇಶ ಮತ್ತು ವಿದೇಶಗಳಲ್ಲಿನ ಪ್ರಮುಖ ಸಂಸ್ಥೆಗಳಿಂದ ಅತಿಥಿ ವಿಜ್ಞಾನಿಗಳಾಗಿ ಮಾನ್ಯತೆ ಪಡೆದಿರುತ್ತಾರೆ. ಗೌರವಾನ್ವಿತರು ತೋ.ವಿ.ವಿ. ಬಾಗಲಕೋಟೆಯ ಆಡಳಿತ ಮಂಡಳಿ ಸದಸ್ಯರಾಗಿ 2 ವರ್ಷಗಳ ಕಾಲ ಕಾರ್ಯನಿರ್ವಹಿಸಿದ್ದಾರೆ. ಇವರ ತೋಟಗಾರಿಕೆ ಕ್ಷೇತ್ರದಲ್ಲಿ ಸಲ್ಲಿಸಿದ ಸೇವೆಯನ್ನು ಪರಿಗಣಿಸಿ 2013ರಲ್ಲಿ Confederation of Horticulture Associations of India (CHAI) ಅಂತರರಾಷ್ಟ್ರೀಯ ಸಂಸ್ಥೆಯು ಪುರಸ್ಕಾರ ನೀಡಿ ಗೌರವ ಸಲ್ಲಿಸಿರುತ್ತದೆ.

ಇವರ ಕೃಷಿ ಸಂಶೋಧನೆ ಮತ್ತು ಆಡಳಿತಾತ್ಮಕ ವಿಭಾಗಗಳಲ್ಲಿ ಅನುಭವ ಮಹತ್ತರ ಮತ್ತು ಕರ್ತವ್ಯ ಶ್ರದ್ಧೆ, ಅನೇಕ ಕೊಡುಗೆಗಳನ್ನು ಗಮನಿಸಿ ಕರ್ನಾಟಕ ಸರ್ಕಾರದ ಘನವೆತ್ತ ರಾಜ್ಯಪಾಲರು ಕೃಷಿ ವಿಶ್ವವಿದ್ಯಾಲಯ, ರಾಯಚೂರಿನ ಕುಲಪತಿಗಳಾಗಿ ನೇಮಕಗೊಳಿಸಿದ್ದಾರೆ.

ಸಂಪರ್ಕ ವಿಳಾಸ

 

ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ, ಲಿಂಗಸಗೂರು ರಸ್ತೆ, ರಾಯಚೂರು ೫೮೪ ೧೦೪. ಕರ್ನಾಟಕ.
ಇಮೇಲ್: registrar@uasraichur.edu.in  ಫೋನ್: 08532-220167
ಅಂಗ್ಲ ಭಾಷೆ ಜಾಲತಾಣ: https://uasraichur.edu.in  ಕನ್ನಡ ಭಾಷೆ ಜಾಲತಾಣ: https://uasraichur.edu.in/kannada